Dental Team Hmong

Paub Ua Ntej Koj Mus: DAIM NTAWV QHIA TXOG QHOV CHAW KHO HNIAV RAU TUS NEEG MOB

California Dental Association
Qhov chaw tso siab tau los qhia txog kev kho hniav

Feem ntau cov neeg mob yeej paub txog tus kws kho hniav lawm. Tus kws kho hniav muab kev pab xws li kev pab soj ntsuam hniav mus rau kev phais hniav.  

Cov kws kho hniav tej zaum tau kawm tias DDS los sis DMD. Cov tsev kawm ntawv uas kawm txog kev kho hniav hauv Teb Chaws Mis Kas yuav tsum ua raws li cov qauv uas pom zoo thiab tsis muaj dab tsi txawv ntawm ob qho kev kawm tiav ntawv.

Thaum uas feem ntau cov kev kho hniav yuav ua tau los ntawm ib tug kws kho hniav xwb, ib tug neeg mob tej zaum yuav raug xa mus rau ib tus kws kho hniav tshwj xeeb yog hais tias tus kws kho hniav ntawv xav hais tias tsim nyog yuav tsum tau muaj ib tug kws tshaj lij los kho.

The American and California Dental Associations (ADA and CDA) pom tias muaj cuaj hom kws kho hniav tshwj xeeb no:

• Tus Kho Cov Kab Mob Hauv Plawv Hniav (Endodontist)
  Xyuas txog kev tiv thaiv, kev tshawb nrhiav kab mob thiab kho cov kab mob, thiab kev raug mob rau cov nqaij mos ntawm cag hlwb hniav (root canals)
• Tus Phais Hauv Qhov Ncauj thiab Lub Ntsej Muag Uas Nyob Sab Saum Lub Puab Tsaig Sab Sauv (Maxillofacial)
  Kho cov kev raug mob thiab qhov hniav tuaj tsis zoo, rho hniav thiab phais ntawm lub qhov ncauj, puab tsaig thiab ntsej muag.
• Tus Kws Kho Cov Hniav Nkhaus (Orthodontist)
  Hais kom muaj thiab muab cov twj los kho, xws li kev zawm hniav, ua kom cov hniav sib txig thiab kho qhov uas pom ntawv.
• Tus Kws Kho Menyuam Yaus Cov Hniav
  Kawm txog kev kaj huv ntawm cov kaus hniav ntawm cov menyuam yaus txij thaum yug los txog rau thaum hluas, nrog rau cov menyuam uas muaj kev pab kho mob tshwj xeeb.
• Tus Kws Kho Cov Nqaij Mos Uas Nyob Ib Ncig Ntawm Tus Hniav (Periodontist)
  Kho cov pos hniav uas muaj kab mob.
• Hloov Hniav (Prosthodontist)
  Tsim thiab kho cov kev txuas hniav thiab cov hniav yas.
• Tus Kws Kho Hniav Tshwj Xeeb Rau Pej Xeem (Public Health Specialist)
  Tswj thiab khiav cov kev pab txog kev kho hniav thoob hauv zej zos, nrog rau kev qhia rau pej xeem txog kev tiv thaiv cov kab mob hniav.
• Tus Kws Yees Duab Hauv Qhov Ncauj thiab Lub Ntsej Muag Uas Nyob Sab Saum Lub Puab Tsaig Sab Sauv
  Siv duab thiab cov twj los xyuas thiab tswj cov kab mob ntau yam uas raug rau lub qhov ncauj thiab lub puab tsaig, thiab cov cheeb tsam ntawm lub taub hau thiab lub caj dab.
• Tus Kws Paub Txog Lub Hauv Paus Ntawm Kab Mob Hauv Qhov Ncauj thiab Lub Ntsej Muag Uas Nyob Sab Saum Lub Puab Tsaig Sab Sauv
  Kawm txog kev xyuas thiab tswj cov kab mob hauv qhov ncauj. Tshawb fawb txog seb yog vim li cas ho muaj, txoj kev ua thiab qhov uas tshwj sim los ntawm cov kab mob no.

Cov Neeg Koom Ntawm Pawg Neeg Kho Hniav

Leej Twg Ua Dab Tsi

Tus Kws Kho Hniav

Tus kws kho hniav muaj txoj hauj lwm los xyuas txhua yam uas khiav hauv qhov chaw kho hniav. Tsuas yog tus kws kho hniav uas tau ntawv tso cai thiaj muaj kev kawm thiab kev xyaum los xyuas txog cov teeb meem hauv lub qhov ncauj, npaj txoj kev kho los sis sau tshuaj mus yuav noj.

Nyob qab tswj hwm ntawm tus kws kho hniav uas tau kev tso cai yuav cais tau tej ntu ntawm kev kho hniav rau cov neeg koom uas muab kev pab.

Tus Neeg Uas Muab Kev Pab Tu Lub Qhov Ncauj (Dental Hygienist)

Muaj peb pawg ntawm cov neeg uas muab kev pab tu lub qhov ncauj:
1. Tus Neeg Uas Muab Kev Pab Tu Lub Qhov Ncauj Uas Tau Kev Tso Cai (Registered Dental Hygienist [RDH])
2. Tus Neeg Uas Muab Kev Pab Tu Lub Qhov Ncauj Uas Tau Kev Tso Cai Los Ua Cov Hauj Lwm Ntau Ntxiv (Registered Dental Hygienist in Extended Functions [RDHEF])
3. Tus Neeg Uas Muab Kev Pab Tu Lub Qhov Ncauj Uas Tau Kev Tso Cai los Ua Lwm Cov Kev Pab (Registered Dental Hygienist in Alternative Practice [RDHAP])

Tus neeg uas muab kev pab tu lub qhov ncauj uas tau kev tso cai (RDH) siv nws txoj kev paub thiab cov txuj ci los pab tiv thaiv thiab xyuas seb puas muaj kab mob hauv qhov ncauj, ntxuav cov kaus hniav, siv cov khoom tiv thaiv rau cov kaus hniav thiab qhia rau cov neeg mob hais txog txoj kev tu cov hniav kom du lug.

Tus RDHEF tej zaum yuav ua tau tag nrho cov hauj lwm ntawm ib tug RDH thiab tau kawm ntawv/xyaum hauj lwm ntxiv uas ua rau lawv ua tau tej co hauj lwm ntxiv qhov uas tsuas pub tus RDH uas txij li cas xwb.

Tus RDHAP yuav ua tau tag nrho cov hauj lwm ntawm ib tug RDH nrog rau kev kawm ntawv/xyaum hauj lwm ntxiv uas ua rau lawv ua tau tej co hauj lwm uas tus neeg uas muab kev pab tu lub qhov ncauj ntawm ntau qhov chaw uas tawm ntawm qhov chaw kho hniav, uas muaj xws li hauv tsev, cov tsev kawm ntawv, hauv cov chaw rau cov neeg laus nyob thiab lwm cov chaw.

Tus Neeg Pab Tus Kws Kho Hniav

Muaj peb pawg ntawm tus neeg pab tus kws kho hniav.
1. Tus Neeg Pab Hauv Kev Kho Hniav (Dental Assistant [DA])
2. Tus Neeg Pab Hauv Kev Kho Hniav Uas Tau Kev Tso Cai (Registered Dental Assistant [RDA])
3. Tus Neeg Pab Hauv Kev Kho Hniav Uas Tau Kev Tso Cai Los Ua Cov Hauj Lwm Ntau Ntxiv (Registered Dental Assistant in Extended Functions [RDAEF])

Nyob qab tswj hwm ntawm ib tug kws kho hniav uas tau kev tso cai, tus neeg uas pab tus kws kho hniav (DA) yuav ua tau tej co hauj lwm xws li npaj tus neeg mob rau kev kho, npaj cov khoom uas yuav siv, pab tus kws kho hniav ib sab ntawm lub rooj, thiab yees thiab ntxuav cov duab x-rays. Pawg no tsis muaj cov daim ntawv tso cai (license).

Tus RDA ua tag nrho cov hauj lwm thiab cov kev ua ntawm tus neeg uas pab tus kws kho hniav, tiam sis vim hais tias lawv tau daim ntawv tso cai lawv yuav ua tau lwm cov kev kho hniav raws li nyob hauv lawv daim ntawv tso cai.
Zoo li tus RDA, tus RDAEF yuav ua tau tag nrho cov hauj lwm thiab cov kev uas cov kws pab tus neeg kho hniav ua, tiam sis vim lawv muaj kev kawm ntawv/kev xyaum txuas ntxiv, lawv yuav ua tau lwm cov kev kho hniav ntxiv raws li nyob hauv lawv daim ntawv tso cai.

Cov chaw kho hniav yuav tsum tau dai cov hauj lwm ntawm pawg neeg muab kev pab kho hniav tso rau hauv qhov chaw ua hauj lwm.

Tus Neeg Saib Xyuas Hauv Qhov Chaw Ua Hauj Lwm/Tus Neeg Saib Xyuas Kev Pab Cov Neeg Mob

Tus neeg saib xyuas hauv qhov chaw ua hauj lwm/tus neeg saib xyuas kev pab cov neeg mob tos txais koj ntawm qhov chaw ua hauj lwm, teem sij hawm, sau cov yuaj tuav pov hwm (insurance) thiab cov kev them nqi, thiab ua ib qho chaw uas muab cov lus qhia rau qhov chaw ua hauj lwm.

800.CDA.SMILE
cda.org