Amalgam Hmong

Kev Muab Hlau Ntsaws Hniav

California Dental Association
Qhov chaw tso siab tau los qhia txog kev kho hniav

COV HLAU (AMALGAM) YOG IB HOM UAS SIV LOS NTSAWS UAS MUAJ KEV RUAJ NTSEG THIAB KAV NTEV

Kev muab hlau ntsaws hniav mas xam pom hais tias nws yog ib co khoom uas siv los kho hniav uas muaj kev ruaj ntseg, kav ntev, thiab siv tau ntau yam uas tau siv los tau ntau tshaj 150 lub xyoo thiab tau kho cov hniav ntawm ntau tshaj 100 vam tus neeg Mis Kas.

Kev muab hlau ntsaws hniav muaj ib co hlau sib tov xws li mercury, silver, copper, thiab tin, uas sib txuas ua ke los ntawm cov tshuaj los ua ib qho khoom uas khov, ncaj thiab ruaj ntseg. Nrhiav tsis pom tias yuav muaj kev txhawj xeeb txog cov uas nyob hauv cov hlau cov mercury. Kev muab hlau ntsaws hniav tau raug kawm thiab soj ntsuam ntau heev, thiab tau muaj ntawv zias los tias nws yog ib qho uas muaj kev ruaj ntseg thiab zoo heev.

Yuav nrhiav tau ib qho kev sib piv ntawm cov kev muab hlau ntsaws hniav mus rau lwm cov khoom uas kho hniav nyob rau hauv California Dental Materials Fact Sheet.

COV KOOM HAUM UAS SAIB KEV KAJ HUV NTAWM CEV THIAB LWM COV HAIS LI CAS TXOG COV HLAU NO?

The California Dental Association (CDA) tig rau tsoom fwv thiab lwm cov laj fai uas muab kev pab txog kev kaj huv ntawm cev nyob thoob teb chaws hais txog kev xyuas qhov kev ruaj ntseg ntawm tag nrho cov khoom uas siv hauv kev kho hniav. The U.S. Food and Drug Administration, U.S. Public Health Service, World Health Organization, Centers for Disease Control and Prevention, National Institutes of Health, thiab U.S. Department of Health and Human Services tag nrho tau pom hais tias cov kev muab hlau ntsaws hniav yog ib qho khoom uas siv los kho hniav uas muaj kev ruaj ntseg thiab zoo heev. Cov koom haum uas saib kev kaj huv ntawm cev rau pej xeem tseem soj ntsuam ntxiv thiab saib xyuas cov ntawv qhia thiab cov kev tshawb fawb kom muaj kev ruaj ntseg rau pej xeem.

Alzheimer’ Association
“Raws li cov pov thawj scientific uas zoo tshaj uas muaj ntawv, tsis muaj ib qho kev sib txheeb li cas ntawm cov ntsaws hniav silver thiab Alzheimer’s. . .” Alzheimer’s Association Web site

American Academy of Pediatrics
Txawm tias cov hlau ntaws hniav yog ib hom ntawm mercury thiab muaj feem txuam nrog rau cov mercury hauv zis ntau zog los, tsis muaj ib qho pov thawj scientific hais txog qhov cov raug toxic uas tsuas yog muaj kev npau taws me ntsis xwb. Ib pawg neeg txawj ntse rau National Institutes of Health tau xaus lus tias cov pov thawj uas muaj ntawv qhia tau hais tias cov kev muab hlau ntsaws hniav tsis yog ib qho kev phom sij rau txoj kev kaj huv ntawm cev thiab yuav tsum tau tsis txhob muab hloov kom txo tau qhov uas raug mercury.
Pediatrics, Vol. 108, No. 1, Lub Xya Hli Ntuj 2001, pp. 197-205. American Academy of Pediatrics Web site

Autism Society of America
Tsis muaj ib qho uas yuav ua rau kom muaj tus mob uas ua rau kev hais lus thiab kev xav tsis zoo li neeg feem coob (autism), tiam sis feem ntau ntseeg tau lwm hais tias nws yog tshwm sim los ntawm tej yam uas tsis zoo li txhua tus (abnormalities) hauv lub hlwb los sis kev ua ub no. Cov kev soj ntsuam txog hlwb qhia qhov txawv ntawm seb lub hlwb zoo li cas hauv cov menyuam uas muaj tus mob uas ua rau kev hais lus thaib kev xav tsis zoo li neeg feem coob (autistic) los mus rau cov tsis yog tus mob uas ua rau kev hais lus thaib kev xav tsis zoo li neeg feem coob. Cov kws tshawb fawb tseem tshawb fawb ntau yam tswv yim, nrog rau qhov sib txuas los ntawm caj ces, roj ntsha, cov genetic coding uas tau raws caj ces, thiab cov kev muaj mob.
Autism Society of America Web site

Consumer Reports
"Raws li qhov peb paub hauv qhov kev tshawb nrhiav uas zoo no, koj cov silver uas ntsaws ntawv yuav tsis ua kom muaj mob dab tsi. Yog hais tias koj xav tau ib co kev ntsaws tshiab rau koj cov hniav uas nyob sab nram qab, cov hlau ntaws yog qhov uas pheej yig tshaj thiab yuav kav ntev tshaj."
Consumer Reports on Health, “Don’t Replace Sound Dental Restorations,” Irwin Mandel, D.D.S., Lub Rau Hli Ntuj 2001.

U.S. Food and Drug Administration
"FDA thiab lwm cov koom haum ntawm U.S. Public Health Service (USPHS) tseem tshawb fawb txuas ntxiv hais txog qhov kev ruaj ntseg ntawm cov hlau ntsaws uas siv hauv kev kho hniav (kev ntsaws). Tiam sis, tsis muaj ib qho pov thawj scientific uas yuav qhia tias cov hlau ntsaws yuav ua mob tau rau cov neeg mob uas mus kho hniav."
FDA Consumer Update, Lub Kaum Ob Hlis Ntuj Tim 31, 2002.

Life Sciences Research Office
Thaum Lub Kaum Ob Hlis Ntuj 2004, qhov kev soj ntsuam zus peb ntawm 12 lub xyoos hais txog kev ruaj ntseg ntawm cov kev muab hlau ntsaws hniav tau ua tiav los ntawm Life Sciences Research Office (LRSO) los ntawm kev thov los ntawm tsoom fwv Trans-agency Working Group on the Health Effects of Dental Amalgam. Pawg neeg uas tsim los daws ib qho teeb meem no yog tsim thaum 1994 thiab muaj cov neeg sawv cev ntawm National Institutes of Dental and Craniofacial Research of the National Institutes of Health, the Center for Devices and Radiological Health of the U.S. Food and Drug Administration, the Centers for Disease Control and Prevention, thiab the Office of the Chief Dental Officer of the Public Health Service. Daim ntawv qhia zaum kawg, muaj npe hu ua “Review and Analysis of the Literature on the Potential Adverse Health Effects of Dental Amalgam,” xaus lus tias tsis muaj cov pov thawj txaus los khi cov kev mob nyhav uas phom sij thiab cov kev muab hlau ntsaws hniav. Pawg scientific tau sau cov kev xav scientific thiab cov kev soj ntsuam los tau yuav luag tsib caug xyoo, thiab qhov kev qhia no sua lus txog cov kev soj ntsuam los ntawm cov neeg zoo ib yam li lawv uas coob heev los ntawm cov ntawv sau txog kev soj ntsuam hlau ntsaws hniav thaum 1996 txog rau 2003. Yuav muab tau cov no hauv www.lsro.org.

National Multiple Sclerosis Society
Tsis muaj ib qho pov thawj scientific uas khi tias qhov muaj MS los sis lwm cov kab mob saum hlwb (neurological) nrog rau cov ntsaws hniav uas muaj mercury.
National MS Society Web site

New England Journal of Medicine
“Cov neeg mob uas muaj lus nug txog qhov sib txheeb ntawm mercury thiab cov kab mob uas mob phem zuj zus yuav tso siab tau hais tias qhov pov thawj qhia tau hais tias tsis muaj qhov uas nkawv sib txuas ntawv.”
The Toxicology of Mercury — Current Exposures and Clinical Manifestations
Thomas W. Clarkson, Ph.D., Laszlo Magos, M.D., and Gary J. Myers, N Engl J Med 2003; 349:1731-1737, Oct 30, 2003

U.S. Public Health Service and National Institute of Dental and Craniofacial Research (NIDCR)
"Ua ib lub koom haum, peb tau koom hauv cov kev soj ntsuam hauv laj fai thiab muaj ib txoj kev uas ua tas mus li…Thiab lub sij hawm no tsis muaj cov pov thawj tshiab uas yuav los hloov peb qhov kev xav txij thaum cov xyoo 1990 los uas qhov pov thawj no tsis tau txhais hais tias yuav tsum tsis txhob siv cov kev muab hlau ntsaws hniav ntxiv lawm.”
Dr. Dushanka Kleinman, deputy director, NIDCR and chief dental officer, U.S. Public Health Service, Lub Xya Hli Ntuj 2001.

World Health Organization and World Dental Federation
“Tsis muaj ib qho kev kawm uas yuav tshaj tawm tias yuav muaj cov mob loj los ntawm kev siv cov hlau los ntsaws hniav. Kev siv hlau los ntsaws hniav mas nws kav ntev thiab tsim nyog tus nqi; tiam sis, lawv cov kob tsis zoo li tus hniav.”
Consensus statement, September 1997

CDA ntseeg tau hais tias kev siv hlau los ntsaws hniav yog ib qho kev xaiv uas muaj nqis thiab muaj kev ruaj ntseg rau cov neeg mob hniav los xaiv thiab txhawb cov kev tshawb fawb txuas ntxiv thiab uas ib qho kev sib txuas lus nrog cov koom haum thiab cov neeg uas yuav pab tau txoj kev kaj huv ntawm cev rau pej xeem thiab pab kom cov hom phiaj rau ib ncig zoo.

800.CDA.SMILE
cda.org